Konflikt me armë ndërmjet dy personave në Mirditë, arrestohet në flagrancë autori (EMRAT)

Një konflikt me armë, për motive banale ka ndodhur në Mirditë ndërmjet dy personave.

Sipas të dhënave të polcisë është arrestuar në flagrancë Gjovalin Ndoji, 29 vjeç, banues në Simon,Kaçinar – Mirditë.

Shtetasi Gj.Ndoji për motive banale është konfliktuar me shtetasin A.Ç., 38 vjeç, banues në Simon, Kaçinar-Mirditë duke e  goditur më qytën e automotikut në kokë dhe më pas dyshohet se ka qëlluar  me armë  në ajër për ta kërcënuar.

Shtetasi A.Ç., ka pësuar dëmtime të lehta i cili po merr ndihmën e specializuar në Spitalin Rajonal të Rrëshenit pa probleme për jeten.

Ndërhyrja në kohë e policisë,  parandaloi përshakallzimin e një konflikti me armë.

Grupi hetimor në vendngjarje ka gjetur dhe sekuestruar në cilësinë e provës materiale, 2 gëzhoja.

Materialet proceduriale në ngarkim të këtij shtetasi, do t’i referohen Prokurorisë, pranë Gjykatës së Shkallës së Parë Lezhë, për veprat penale “Prodhimi dhe mbajtja pa leje e armëve luftarake dhe municionit”, “Plagosje e lehtë me dashje” dhe “Kanosja”, parashikuar nga nenet  278,  89 dhe 84/1 të Kodit Penal.

(M.Q/Faxweb.al)