Pak ditë pasi ndodhi ngjarja e bujshme në futbollin grek ku presidenti i PAOK-ut hyri ne armë në fushë dhe kundërshtoi gjyqtarin për një gol të anuluar ndaj AEK-ut, presidentit të klubit grek Ivan Savidis i ka ardhur një reagim mbështetës nga futbollisti I kombëtares shqiptare Ergys Kaçe.
Kaçe i cili luan me Panathinaikos në Greqi, ka reaguar lidhur me incidentin e rëndë ku protagonist ishte presidenti i ish-klubit të tij duke I dalë në krah. Ai tregon për mbështetjen që i ka dhënë Savidis.
“Shumë vite më parë, në momentin më të vështirë të karrierës sime, më ndihmove si babai im dhe për këtë arsye unë dua t’ju ndihmoj në të njëjtën mënyrë, ne të gjithë jemi pranë jush!”, ka shkruar Kaçe në postimin e tij për Savidis.
Kujtojmë që pas këtij veprimi të rëndë të presidentit të PAOK-ut qeveria greke e ndërpreu kampionatin, ndërsa Savidis kërkoi falje publike për ngjarjen.
(B.H/FaxWeb)
Discussion about this post