Arsenali ka siguruar një vend në mesin e 8 skuadrave më të mira në Europa League, pasi eliminoi Milanin duke e mundur edhe në Londër me reazultatin 3-1, ndërsa ndeshjen e para e kishte fituar në Itali me rezultatin 0-2, duke fituar kështu me rezultatin e përgjithshëm 5-1.
Të parët në epërsi në Emirates kaluan mysafirët me golin e bukur të Hakan Calhanoglu 35’, kurse barazoi 1-1 Danny Ëelbeck pas katër minutave, pas një penalltie të fituar tejet në mënyrë të diskutueshme.
Në epërsi “Topçinjtë” i kaloi mesfushori shqiptar, Granit Xhaka, i cili realizoi për 2-1 në minutën e 71’të, kurse për rezultatin përfundimtar 3-1 realizoi edhe njëherë, Danny Ëelbeck (86’)
Ndërkohë për sa i përket takimeve të tjera Lyon edhe pse kishte triumfuar në ndeshjen e parë (0-1) nuk ka arritur të kualifikohet. Francezët janë mundur në shtëpi nga CSKA e Moscoë me shifrat 2-3 duke i dhënë lamtumirën kompeticionit.
Edhe Dortmund ka dështuar me misionin e saj në Austri, duke barazuar 0-0 kundër Salzburg. Skuadra kua luan mesfushori i Kosovës, Valon Berisha, ka kaluar më tej falë fitores 1-2 në Gjermani.
Ndërkohë që skuadrat e kualifikuara më parë na takimet e luajtura më herët janë Lazio, Marseille, RasenBallsport Leipzig dhe Atletico Madrid.
Discussion about this post