Përmbytjet në Shkodër, Prençi: Të mos përhapet panik kot! Niveli i ujit nuk rritet më

Fax Neës informon se ka nisur pak minuta më parë mbledhja e shtabit të emergjencave në Prefekturën Shkodër.

Mesohet se nivelet e kuotave në hidrocentrale janë rritur këtë të premte. Situata kërcënuese për shkak të reshjeve.

Shefi i emergjencave civile në Prefekturën e Shkodrës, Pëllumb Dani ka bërë me dije se janë shpërndarë 200 pako ushqime në njësinë administrative Dajç dhe rreth 8 ton për bagëtitë.

Prefekti i Shkodrës, Çesk Millja ka informuar se kanë ardhur rreth 20 ton ndihma, e ndërsa 20 të tjera, pritet të vijnë në ditët në vazhdim.

Drejtori i Përgjithshëm i Emergjencave Civile, Shemsi Premçi mësohet të jetë shprehur se nuk duhet përhapur panik në komunitet sepse siç u shpreh ai, shkarkimet e hidrocentraleve nuk kanë më efekt në shtimin e nivelit të ujit.

“Kolektorët nuk janë të pastruar mirë, as ata që administrohen nga Bordi i Kullimit, as nga bashkia Shkodër. Fajtor është edhe komuniteti, i cili ka zënë kanalet e kullimit me mbetje bimore. Kostoja e përafërt e përmbytjeve e vlerave bujqësore rezulton e përballueshme për buxhetin e shtetit. 1000 hektarë janë tokë shtetërore dhe livadhe.” – mësohet të jetë shprehur kreu i emergjencave civile.

(E.L/Faxweb)