Përshkallëzohet konflikti, Rusia i kundërpërgjigjet Britanisë duke dëbuar 23 diplomatë

Ministria e Jashtme ruse thirri ambasadorin britanik këtë të shtunë për t’a informuar për vendimin për të dëbuar 23 diplomatë britanikë nga Moska.

Ky veprim vjen menjëherë si kundërpërgjigje e ndaj vendimit të Britanisë për të dëbuar 23 diplomatët rusë. Ministria e Jashtme ruse tha se 23 punonjës të Ambasadës së Mbretërisë së Bashkuar në Moskë do të “deklarohen persona non-grata” dhe brenda javës do të dëbohen.

Edhe një ditë më parë pati akuza dhe kundërakuza të forta mes palëve. Sekretari i Jashtëm britanik, Boris Johnson deklaroi se, me shumë gjasë urdhrin e helmimit të ish-agjentit rus Sergei Skripal dhe vajzës së tij Yulia Skripal, me agjentin nervor “Novichok” e ka dhënë vet Vladimir Putini.

Ndërkohë, Kremlini i ka cilësuar shokuese dhe të pafalshme akuzat e drejtpërdrejta të Britanisë së Madhe.

(M.Q/Faxweb)