Fax News informon nga Vlora se një automjet tip “Mercedes Benz” është përplasur në orët e para të mëngjesit në segmentin rrugor në lagjen ‘10 korriku’ të qytetin bregdetar.
Automjeti me targa VL 9861 B, ishte në pronësi të një punonjësi policie, ndërsa është grabitur nga persona të paidentifikuar ende nga policia.
Këta të fundit janë përplasur me një shtyllë korrenti, ndërsa për të humbur gjurmët janë larguar nga vendi i ngjarjes, ndërkohë që në afërsi të vendit të aksidentit, por dhe në brendësi të mjetit janë gjendur dhe njolla gjaku, që tregon personat që kanë grabitur mjetin dhe kanë qenë në brendësi të tij të jenë plagosur, pas përplasjes së mjetit.
Në vendngjarje kanë mbërritur edhe uniformat blu, ndërsa ka patur kërkime rreth vendit ku ndodhi aksidenti, ndërsa pritet të kryhet ekspertiza e mjetit për të identifikuar autorët.
(E.L/Faxweb)
