Zëdhënësi i qeverisë greke, Dimitris Canakopulos ka bërë me dije se pasditen e së enjtes, ministri i Jashtëm i Greqisë, Nikos Kotzias, do të niset për një vizitë në Shkup.
Në kryeqytetin e Maqedonisë, Kotzias pritet të zhvillojë takime me udhëheqjen politike, opozitën maqedonase dhe partitë shqiptare me qëllim rinisjen e bisedimeve, që kanë për qëllim gjetjen e një zgjidhje të pranueshme për emrin.
Gjithashtu mësohet se më 30 mars, do të ketë një takim midis ministrave të jashtëm të Greqisë dhe Maqedonisë në Vienë me ndërmjetësin e OKB-së Methju Nimetz.
Në lidhje me zhvillimet rreth marrëveshjes, Canakopoulos ka përmendur se në draftin që tashmë i është dërguar fqinjit verior është thënë:
“Tani presim komentet dhe vërejtjet e tyre. Plani është përgatitur në bazë të negociatave të qeverisë greke, dmth emri që do të jetë i pranueshëm për të gjithë dhe për të gjitha përdorimet, që nënkupton nevojën për ndryshimin e Kushtetutës në vendin fqinj. “, shkruan gazeta Protothema.
(E.L/Faxweb)
