Rama entuziast pas shkarkimit të Lulos, Berisha: Kërcënimet e tij i ulin ‘brekët’ procesit

Ditën e djeshme gjyqtari Fatos Lulo u bë i pari që ‘’ra” prej Vetingut. Komisioni i Pavarur i Kualifikimit vendosi që të shkarkonte Lulon nga gjykata Kushtetuese.

Ky vendim nxiti një sërë reagimesh, mes tyre dhe entuziazmin e kryeministrit Rama, teksa paralajmëronte me shprehjen e tij të famshme ”s’kemi parë gjë akoma”.

“Jam i bindur s’kemi parë asgjë akoma”, u shpreh Rama në një postim në Facebook pas procesit të vetting-ut ndaj Lulos.

Menjëherë pas Ramës ka reaguar dhe Shkëlzen Berisha, i cili shprehet se ky kërcënim i ul brekët komisionit.

“Kërcënimet e Ramës në emër të komisionit të vetting-ut i ulin “brekët” procesit”, shkruan djali i ish-kryeministrit Berisha.

Duhet thënë se faza finale e procesit të Vetingut pritet të sjellë një sërë surprizash, ndërsa Lulo nuk do të jetë i vetmi që nuk mund të arsyetojë pasurinë e tij.

(E.K/FAXWEB)