Rrëshqitjet e dherave vijojnë të jenë prezente në rrugën e Kombit në afërsi të Repsit në Lezhë. Të frikshme ishin pamjet që u transmetuan disa ditë më parë, teksa shihej se mbetjet e dherave kishin zënë poshtë edhe një karburant.
Sot në këtë zonë ka mbërritur dhe kreu i Autoritetit të Rrugëve, Afrim Qendro i cili shprehet se nga kjo situatë nuk ka një bllokim të rrugës.
‘’Është dëmtuar një pikë karburanti, nuk do të ketë një bllokim të rrugës. Jemi duke punuar, dhe do vijojmë të jemi në terren”, është shprehur qendro për gazetarin e ‘’Fax Neës” Martin Marku.
Nga rrëshqitja e dherave rrezikon dhe një hotel që ndodhet aty pranë, ndërsa sipër në kodër,disa banesa kanë pësuar dëmtime, e të tjera do të kenë të njejtin fat nëse nuk ndërhyhet. Toka ka pësuar shkarje në disa vende dhe e gjithë kodra rrezikon të bie.
Disa prej banorëve e kanë braktisur zonen, e të tjerë thonë se jetojnë me frike. Ata kërkojnë që të ndërhyhet, pasi në këtë situate po ju rrezikohet jeta.
Fenomeni i erozionit në këtë kodër është shfaqur që prej vitit 2016-të, e kjo ka ardhur si pasojë e dëmtimit të pritave malore.
Pas verifikemeve në terren ekspertët e kanë vlerësuar situatën si tejet alamante, por rreziku është injoruar nga insitucionet përgjegjësë të cilët nuk kanë marrë asnjë masë për të parandaluar rreshqitjet e tokes në këtë zonë.
(E.K/FAXWEB)
https://www.youtube.com/watch?v=z-tZD9qq5Hg&feature=youtu.be
Discussion about this post