Fëmijët në Francë do të fillojnë shkollën në moshën 3 vjeçare, kjo bazuar në reformat e reja të njoftuara nga Presidenti Emmanuel Macron.
Shkolla në Francë aktualisht është e detyrueshme për fëmijët që nga mosha gjashtë vjeçare, edhe pse që nga viti 1989 prindërit kanë pasur të drejtën ligjore me dëshirë për t’i dërguar fëmijët në shkollë (mosha parashkollore) nga mosha tre vjeçare.
Presidentin Emmanuel Macron njoftoi të se që nga shtatori i vitit 2019, fillimi i vitit të ri shkollor, mosha e vijimit të shkollës së detyrueshme do të vendoset të jetë tre.
Megjithëse shumica e familjeve franceze tashmë zgjedhin të dërgojnë fëmijët e tyre në shkollë në moshën tre vjecare. “Vetëm 2.4% e fëmijëve nuk janë të regjistruar në atë moshë”, tregojnë shifrat e qeverisë.
Në vitin shkollor 2015/2016, pothuajse 98 përqind e trevjeçarëve në Francë ishin në shkollë.
“Shpresoj që me këtë detyrim, që nga fillimi i vitit shkollor në vitin 2019, mund të korrigjojmë këtë diferencë të papranueshme”, tha Macron.
Presidenti Macron tha se ndryshimi kishte për qëllim të reduktonte pabarazinë në arsim, pasi prindërit në zonat më të varfra të Francës dhe në territoret jashtë shtetit kanë më pak gjasa të dërgojnë fëmijët e tyre në çerdhe në moshë të vogël.
(M.Q/Faxweb.al)
