Kryeministri Edi Rama ka folur në Parlament për taksën në Rrugën e Kombit ku ka deklaruar se kjo tarifë është e justifikueshme pasi kështu ndodh edhe në vendet e tjera, ku përmendi Gjermaninë.
Megjithatë ajo çfarë u vu re në fjalën e kryeministrit ishte dhe shifra kontradiktore për sa i përket kostos së së Rrugës së Kombit. Rama tha se kjo rrugë ka kushtuar 1.4 miliardë euro, duke hedhur akuza ndaj ish-qeverisë së Berishës se nuk ishte bërë as studim gjeologjik për të.
Por para Ramës ishte vetë ministri i Energjitikës Gjiknuri që foli për taksën ku deklaroi se rruga ka kushtuar 1.3 miliardë dollar, ku vihet re ndryshimi I shifrave. Të jetë kjo një përpjekje për të justifikuar taksën e vednosur në Rrugën e Kombit?
Për Rrugën e Kombit gjithnjë ka luhatje shifrash, herë folet për 1 milardë dollarë, herë 1.3, e tjerë, ndërsa shifra 1.4 e kryeministrit është më e larta që është thënë se ka kushtuar Rruga e Kombit. (B.H/Faxweb)
Discussion about this post