Aleanca Qytetare për Mbrojtjen e TK-së, e cila u prezantua javën e shkuar, ka ftuar çdo intelektual dhe qytetar të këtij vendi t’i bashkohet, për t’i thënë ndal planit të Kryeministrit për të prishur Teatrin Kombëtar dhe për të ndërtuar aty teatrin e ri së bashku me kullat që do të marrin një pjesë nga sipërfaqja.
Aktorët kanë paralajmëruar se do të futen në grevë urie nëse kryeministri Rama nuk tërheq mbrapsh planin.
“Kryeministri të mos mendojë se e ka fituar luftën! Ne do të shkojmë deri në grevë urie, do të flijohemi brenda asaj ndërtese,” – thotë aktori Arben Derhemi..
“Nuk e dinim kaq malinj kryeministrin dhe gjithë Rilindjen shqiptare. Po bën veprime antikombëtare dhe në një moment të caktuar ne e kuptuam logjikën e tij dhe pse po e bënte këtë. Por nuk duhet të mendojë se e ka fituar luftën,” – tha ai.
(E.L/Faxweb)
Discussion about this post