Pas protestës së dhunshme në Rrugën e Kombit reagon Rama: Për krimin e rëndë ndaj pronës së përbashkët…

Kryeministri Edi Rama ka reaguar ps përfundimit të protestës së dhunshme në Rrugën e Kombit.

Me anë të një statusi në rrjetet sociale, Rama sqaron se do të ketë një lidhje të drejtpërdrejtë me shqiptarët për krimin e bërë në investimin e kryer nga shteti.

“Sot në 19.00 komunikim i drejtëpërdrejtë me shqiptarët për krimin e rëndë që u krye ndaj pronës së përbashkët dhe investimit të kryer sipas ligjit, në funksion të sigurisë afatgjatë të lëvizjes dhe mirëmbajtjes së Rrugës së Kombit,”- shkruan Kryeministri.

Pas më shumë se tre orësh protestë më në fund qytetarët ja kanë arritur qëllimit të tyre.

Tashmë ka rinisur sërish qarkullimi i automjeteve pa pagesë në Rrugën e Kombit.

Që në orët e para të mëngjesit banorët u mblodhën në traun e Rrugës së Kombit për të protestuar ndaj tarifës së vendosur nga qeveria.

“Nuk do lejojmë drejtuesit e mjeteve të kalojnë. Jemi të gatshëm të kemi një marrëveshje për heqjen e tarifës. Nuk e dimë sa do të zgjasë protesta. Duhet të vijë qeveria këtu,”- u shprehën ata për Fax News.

Ata kanë kërkuar që një përfaqësues nga qeveria të shkojë pranë tyre dhe të jepet garancia se tarifa e vendosur nga qeveria për kalimin në këtë rrugë do hiqet.

Nga protesta e dhunshme kanë mbetur 12 efektivë policie të lënduar, njëri prej tyre në gjendje të rëndë.

(F.M/Faxweb)