Makina shpërthen në flakë në Durrës, bllokohet qarkullimi

Një automjet tip “BMW” ka marrë flakë para pak minutash në Durrës.

Mësohet se makina ka qenë e parkuar në afërsi të Pallatit të Sportit, “Ramazan Njala”.

Në vendngjarje kanë mbërritur efektivët e policisë si dhe forcat zjarrfikëse për të shuar flakët.

Për disa minuta me radhë, në këtë pjesë të qytetit të Durrësit u bllokua qarkullimi i makinave.

(M.Q/Faxweb)