Kryetari i PD-së, Lulzim Basha, në një deklaratë të fundit për mediat ka thënë se qeveria Rama tashmë është në panik.
Sipas Bashës, Rama vendos taksa të larta duke iu rënë me ‘kërbaç’ qytetarëve, ndërkohë që përfitimet qytetare ndahen me ortakët e tij.
Basha tha mosbindja civile tashmë ka filluar.
“Mashtrimet e Edi Ramës janë shenja të panikut. Thelbi është që Rama i grabit dyfish dhe pastaj u bie dyfish me kërbaç, merr 200 milionë euro për mirëmbajtjen e rrugëve, nuk shpenzon asnjë cent për Rrugën e Kombit por vendos tarifën, ata që u cuan janë më të shpërfillurit, u cuan për bukën e gojës.
Revolta e atyre qytetarëve ka mbështetjen e opozitës dhe çdo qytetari sepse ato janë të grabitur njësoj. Ky mbledh taksat dhe i çon për inceneratorë, për Vilma Nushin, për Arben Ahmetajn. Ky është një reagim ndaj padrejtësisë së dyfishtë. 1 javë i la kohë Arben Çekajt, i lirë është Tahiri, vëllai i Agron Xhafajt, Habilajt, Balili dhe u turri policinë atyre fukarenjeve.
Kam bërë thirrje për mosbindje qytetare, të mos paguhen taksat, bizneset e vogkla të mos paguajnë se nuk ka çfarë t’ju bëjë. Nuk e arreston dot të gjithë popullin, opozita do të jetë në krahun e qytetarëve siç jemi sot në krah të qytetarëve kuksianë, dhe atyre të arrestuarve që u rrëmbyen. Thirrja ime është që të tërheqë policinë në Kukës, të arrestojë Saimir Tahirin, Habilajt, Balilin”.-tha Basha.
I pyetur se kur do të nisin protestat Basha tha se ka filluar organizimi nga opozita e bashkuar dhe se shumë shpejt do të ketë një datë.
(F.G/Faxweb.al)
Discussion about this post