Seanca gjyqësore për shqyrtimin e masës së sigurisë për 23 personat e arrestuar për dhunën e shkaktuar në Rrugën e Kombit do të zhvillohet në Gjykatën e Tiranës.
Fax News raporton se sipas kancelarit, Shikim Korbi Gjykata e Kukësit nuk ka kapacitete të mjaftueshme për të akomoduar 23 persona në sallë.
“Seanca gjyqësore e vlerësimit të masës së sigurisë për 23 të ndaluarit do të zhvillohet nesër në orën 09:00, në Gjykatën Civile të rrethit gjyqësor në Tiranë.
Nëpërmjet një shkrese të marrë nga drejtoria e policisë së qarkut Kukës, njoftohet se nuk mund të lejojmë pjesëmarrjen e të ndaluarve në seancën gjyqësore.
Ndërkohë që pas komunikimit që kemi pasur me institucionet e tjera në fund u vendos edhe për faktin tjetër se gjykata e rrethit gjyqësor në Kukës nuk i plotëson kushtet dhe nuk e ka infrastrukturën e nevojshme për të akomoduar 23 të ndaluarit ën sallën e gjyqit, në sallën penale. Kështu që u vendos përfundimisht që gjykimi për shqyrtimin e masës së sigurisë të bëhet në Gjykatën e rrethit gjyqësor, Tiranë, tek dhoma civile,”- u shpreh Korbi për Fax News.
(F.M/Faxweb)
https://www.youtube.com/watch?v=LRuHsD_HkZU&feature=youtu.be
Discussion about this post