Partia Socialiste duket se po kërkon të tërheqë vëmendjen nga zhvillimet në Gjykatën e Tiranës duke thirrur mbledhjen e komisionit hetimor për çështjen e ish ministrit të Brendshëm, Sajmir Tahiri.
Zyra e shtypit e Kuvendit njoftoi në orën 12:23 minuta se në orën 12:30 (pra 7 minuta më pas) do të mblidhej komisoni.
Por nga sa mësohet, në këtë mbledhje do të marrin pjesë vetëm deputetët e maxhorancës, pasi ata të opozitës janë në Gjykatën e Tiranës ku po zhvillohet seanca për 23 të arrestuarit e protestës së Kalimashit.
Prej mëngjesit të sotëm situata në ambientet e jashtme të Gjykatës ka qenë mjaft e tensionuar, ku fillimisht pati përplasje mes deputetëve të opozitës dhe Policisë. Ende nuk është dhënë masa e sigurisë për 23 personat e arrestuar.
(E.K/FAXWEB)
Discussion about this post