“Lironi vëllezërit tanë!”, qytetarët e Kukësit në protestë kundër vendimit të Gjykatës për 11 të arrestuarit

Fax News informon nga Kukësi se qytetarë të ndryshëm kanë dalë në protestë për lirimin e 11 të ndaluarve kuksianë të cilët morën ditën e djeshme konfirmimin e masës së “arrestit me burg”.

Në protestën që do të zhvillohet përpara komisariatit të qyetit, bëhet me dije se po marrin pjesë edhe drejtues lokalë të opozitës.

Mësohet se kjo është një protestë e organizuar në nivel lokal nga Komisioni i Protestës së Rrugës së Kombit.

Kjo protestë po zhvillohet për të kundërshtuar vendimin e Gjykatës e cila në Tiranë dje, vendosi që 11 prej protestuesve që dogjën sportelet e vendosura për pagën e tarifës në Rrugën e Kombit, të mbeten në “arrest me burg”.

Qytetarë të Kukësit shfaqen me pankarta, ku ndër të tjera shkruhet “Lironi vëllezërit tanë!”, “Faleminderit që nuk u dorëzuat!”, etj.

(E.L/Faxweb)