Ambasadori amerikan Donald Lu ka folur sot në konferencën e organizuar nga shoqëria civile në lidhje me komunitetit LGBTI.
Lu ka përmendur faktin se ky komunitet në vendin tonë është i diskriminuar, madje ka folur dhe me emra të përvetshëm deputetësh dhe politikanësh.
Duke u kthyer pas në kohë ai ka kujtuar incidentin e tre viteve më parë, kur doli në terren bashkë me policinë, për të mbrojtur personat LGBTI që po parakalonin me biçikleta, nga goditja e disa njerëzve me vezë.
“Vetëm pak patën guxim. Igli Totozani, Vasilika Hysi, Olta Xhaçka, ju keni kurajo. Kemi ndjekur Ylli Manjanin, Tritan Shehun dhe Oriola Pampurin. Kini kujdes sepse përfaqësoni edhe elektoratin tuaj”, është shprehur gjatë fjalës së tij ambasadori Lu.
Kujtojmë se Manjani dhe Shehu u deklaruan kundër nismës së LGBT-së për të zhvilluar takime në gjimnazet e Tiranës.
Më herët në këtë konferencë edhe deputetja Vasilika Hysi ka ndarë të njëjtin shqetësim për kolegët e saj, teksa ka thënë se ata ndjejnë panic kur përmendet komunitetit LGBT.
‘’Në këtë Kuvend krah për krah me ne kanë qenë të ulur kolegë pa integritet, të përfshirë ose të dyshuar për lidhje me botën e krimit ose të koprruptuar. Mes nesh ka pasur deputetë, kolegë dhe kolege që nuk e meritonin të ishin në Kuvend dhe janë pranuar dhe nuk na ka ardhur turp që i kemi pasur një pjesë. Ndërsa kur flasim për çështjet e LGBTI ka kolegë që i zë tmerri dhe nuk e pranojnë diskutimin e kësaj çështje.
Sa herë që ka çështje që lidhen me këtë komunitet ka një hezitim, ka frikë, kanë frikë mos humbasin mbështetësit e tyre në zonat elektorale, disa nuk kanë informacionin e duhur. Unë i kuptoj por nuk i mirëkuptoj. Në këtë kuadër mendojmë se pavarësisht se janë pakica në krahasim me shumicën e deputetëve në Kuved, Kuvendi i Shqipërisë ka shumë për të bërë. Shumica e kolegëve tanë nga mazhoranca dhe opozita kanë një qasje tjetër për të drejtat e njeriut dhe parandalimin e diskriminimit”, u shpreh Hysi.
Me tej, ajo nenvizoi edhe zhvillimin me te fundit dje ne Kuvend, per miratimin e Kodit te Etikes se deputeteve.
Sipas saj, “si deputete kemi të gjithë pjekurinë dhe përgjegjësinë të vendosim raport të drejtë mes lirisë së shprehjes dhe parandalimit. Ti themi jo gjuhës së urrejtjes. Jo vetëm të dekurajojmë përdorimin e saj por të përdorim sanksione disiplinore të ashpra ndaj kudo që përdor gjuhën e urrejtjes në Kuvend por edhe në jetën tonë. Dje Kuvendi ka miratuar kodin e sjelljes e bërë nga të gjitha grupet parlamentare. Nga sot kodi ka hyrë në fuqi dhe fillon zbatimi i tij”, u shpreh Hysi më herët.
(E.K/FAXWEB.AL)
Discussion about this post