Shpërndanin drogë në lokale, arrestohen dy të rinjtë shkodranë

Dy të rinj janë arrestuar nga ana e Policisë së Shkodrës, pasi u kapën duke shpërndarë drogë në lokale.

Dy të rinjtë e arrestuar janë: Hidisen Dervishi, 24 vjeç, banues në Shkodër dhe Rei Besho, 19 vjeç, banues në Shkodër.

Arrestimi u bë pasi  me datën 06.04.2018 , ora 17:34 në portalin e komisariatit dixhital ka ardhur një raportim nga një qytetar anonim, se në një lokal këto shtetas shpërndanin lëndë narkotike.

Menjëherë shërbimet e policisë kanë shkuar në lagjen Vasil Shanto, në një lokal me lojëra kompjuterike dhe janë gjetur shtetasit e lartëpërmendur, ku dhe nga kontrolli i ushtruar në këtë lokal u gjetën të fshehura në një çantë tre qese plasmasi si ajo e lëndës narkotike Cannabis Sativa ku rezultuan me peshe 8 gram të cilat u sekuestruan në cilësinë e provës materiale.

Materialet proceduriale i kalojnë Prokurorisë Pranë Gjykatës së Shkallës së Parë Shkodër për veprën penale të “Prodhimit e shitjes së narkotikëve” e parashikuar nga neni 283 i Kodit Penal.

(E.K/FAXWEB.AL)