Kryetarja e LSI-së Monika Kryemadhi ka reaguar në lidhje me procedimin e saj nga ana e policisë.
Ajo tha se nuk ka asnjë procedim që e shqetëson atë dhe se protesta nuk do të ndalet. Kryemadhi tha se ajo gjykohet vetëm nga shqiptarët dhe jo nga Edi Rama, Arta Marku apo Fatmir Xhafaj.
“Mos kujtoni se është frikë e madhe, cdo ditë e më shumë drejtësia është kapur nga krimi, kriminelët që vrasin njerëz, plackisin vendin, janë të lirë dhe njoftohen një javë para se tu dalë mandati i arrestit, kur hallexhinjtë burgosen se po bëjnë ndërtim pa leje.
Mua nuk më shqetëson fare procedimi penal, kur të bëjmë dekriminalizmin do ta deklarojmë se jemi proceduar nga prokuroria e Ramës, por ajo që dua të them se sistemi i drejtësisë do të ketë probleme. Drejtësinë nuk e kap dot askush.
Mua më gjykojnë vetëm shqiptarët dhe me gjykojnë me votë, kurse tjetri është qesharak. Ashtu si kam hyrë 17-vjec ne politike, do dal me voten e shqiptareve. Nuk kërcënon dot as Rama, as Arta Marku, as Xhafaj. Unë këtu jam, rrugëve të Tiranës, ndac me polici, ndac pa polici, me çizme apo jo mua më kanë në këmbë”- tha Kryemadhi.
(E.K/FAXWEB.AL)
Discussion about this post