Presidenti rus Vladimir Putin ka thënë se ai shpreson që “vullneti i mirë” do të mbizotërojë në botën moderne, e cila çdo ditë e më shumë po bëhet më kaotike. Ai shtoi se situate ndërkombëtare është shumë problematike së fundmi.
“Gjendja e çështjeve botërore nuk tërheq vetëm shqetësime, situata në botë po bëhet gjithnjë e më kaotike,” tha Putin të mërkurën gjatë një ceremonie për të mirëpritur ambasadorët e rinj në Rusi.
“Megjithatë, ende shpresojmë që mirëkuptimi do të mbizotërojë dhe marrëdhëniet ndërkombëtare do të hyjnë në një rrugë konstruktive, dhe i gjithë sistemi botëror të bëhet më i qëndrueshëm dhe i parashikueshëm”, tha presidenti rus.
“Moska do të vazhdojë të mbështesë forcimin e sigurisë “globale dhe rajonale” dhe do t’i përmbahet plotësisht përgjegjësive ndërkombëtare të saj dhe do të zhvillojë bashkëpunimin me partnerët në baza konstruktive dhe respektuese”, shtoi ai.
Deklaratat e Putinit erdhën menjëherë pas kërcënimit nga homologu i tij i SHBA. Më parë të mërkurën, Donald Trump paralajmëroi Rusinë që të përgatitet pasi do të dërgojë në Siri raketa të bukura, të reja dhe të mençura”, ka shkruar Trump në Tëitter.
Në cicërimën tjetër të presidentit amerikan, ka porositur se raportet SHBA-Rusi janë më të këqija se kurrë më parë, madje më të këqija se ato gjatë Luftës së Ftohtë.
Kujtojmë se raportet mes SHBA-ve dhe Rusisë janë tensionuar si kurrë më parë, që nga raportimi për kryerjen e sulmeve kimike në qytetin sirian Douma, për të cilat akuzohet Bashar al-Assad, të cilin e përkrah Rusia. (B.H.Faxweb)
Discussion about this post