Komisioni Evropian jep rekomandimin pozitiv për Shqipërinë, ja kush e dha dritën jeshile

Komisioni Evropian ka dhënë rekomandim pozitiv për hapjen e negociatave me Shqipërinë.

Drita jeshile u dha nga ambasadorja e BE-së në Tiranë, Romana Vlahutin.

Vlahutin ka thënë se rekomandimi është i pakushtëzuar për Shqipërinë.

Ndërkohë që raportuesi për Shqipërinë në BE, Knut Fleckenstein ka thënë se Shqipëria e meritonte këtë rekomandim.

“Për ne është me rëndësi njohja e një progresi konstant. Ky është një proces historik ndryshimi dhe modernizimi dhe kërkon mjaft përkushtim, investim dhe durim. Jam e lumtur që Shqipëria mund të ketë arsye të mira për të qenë e gëzuar, shqiptarët meritojnë që t’u njihen të gjitha përpjekjet. Në vijim do të hyjmë edhe në hollësi në elementët e raportit për Shqipërinë. Unë nuk do të zhvilloj konferencë shtypi, pasi Mogerini për pak orë mbërrin në Shqipëri dhe do të përcjellë mesazhin për Shqipërinë në konferencën për shtyp nesër në orën 11:00”,-ka thënë Vlahutin.

Vendi ynë ka marrë statusin e vendit kandidat për të hyrë në Bashkimin Evropian që në vitin 2014.
Prej 4 vitesh Shqipëria ka qenë në pritje të ditës së sotme, ku u dha rekomandimi pozitiv për hapjen e negociatave.

(F.G/Faxweb.al)