Ministri i Bujqësisë Niko Peleshi nga një vizitë që ka pasur në qytetin e Vlorës ka hedhur akuza në drejtim të bashkive sa i përket menaxhimit të mbetjeve. Sipas tij projektet për pastrimin flenë në zyrat e bashkive dhe nuk aplikohen.
‘’Jemi në prag të çeljes së sezonit turistik, kemi një program që” të pastrojmë shqipërinë që duam”, duhet të mbulojmë këtë plagë që na karakterizon prej vitesh. Ka vite që ka strategji, po mesa duket territori nuk pastrohet, pasi strategjitë flenë në zyrat e bashkive”, u shpreh Peleshi.
Po ashtu duke iu drejtuar Dritan Lelit, kryetarit të bashkisë së Vlorës, ministri Peleshi tha se Pylli i sodës nuk pastrohet duke qenë në zyrë, po duhet të dilet në terren.
Prej disa ditësh në qytetet bregdetare të vendit ka nisur aksioni për pastrimin e mbetjeve në prag të çeljes së sezonit turistik.
(E.K/FAXWEB.AL)
https://www.youtube.com/watch?v=hDZN-2VODoY&feature=youtu.be
Discussion about this post