Një çift bashkëshortësh janë gjetur të masakruar brenda banesës së tyre në Qipro. Viktimat janë Giorgos Hatzigeorigiou 60 vjeç dhe Ntina Sergiou. 60-vjeçari punonte në shkollën angleze në Nikosi, ndërsa bashkëshortja e tij në Bankën Qëndrore.
Nga hetimet bëhet me dije se bashkëshortët janë sulmuar dhe janë masakruar me thikë nga persona të panjohur që kanë hyrë fshehtazi në shtëpinë e tyre për të grabitur.
Personat, të maskuar, hynë në shtëpinë e tyre dhe i qëlluan disa herë me thikë, duke bërë që të humbisnin jetën nga hemorragjia.
Ekspertizëa mjeko-ligjore informoi se burri ishte qëlluar 30 herë me thikë, kurse në trupin e gruas kishte 10 plagë kryesisht në qafë dhe në gjoks.
Në momentin që ndodhi vrasja, në banesë ishte edhe djali 15-vjeçar i çiftit, i cili njoftoi i tronditur fqinjët, të cilët më pas lajmëruan policinë. Ai u tha hetuesve se persona të maskuar hynë në banesë dhe qëlluan me thikë prindërit e tij.
Burimi: tv klan
