Gjykata e Britanisë së Madhe dënoi me 14 muaj burg Fatmira Tafën, një grua nga Shqipëria pasi u zbulua se përdorte dokumenta të falsifikuara për të jetuar në Kardif.
Fatmira Tafa 31 vjeç, është dënuar pasi ka përdorur identitet të rremë për të bërë një transplant veshkash që kushtonte 72 mijë paund. Daily Mail shkruan se shqiptarja kishte shkuar në Britani duke u fshehur në pjesën e pasme të një kamioni
31 vjeçarja kishte siguruar një pasaportë false duke u hequr si shtetase greke me emrin Eleni Manola..
Përmes ambasadës greke në Londër është vërtetuar se identiteti Eleni Manola është një person i vërtetë.
Fatmira Tafa tregoi se ishte fshehur në një kamion për të hyrë në Britaninë e Madhe ku e priste i dashuri i saj. Pavarësisht se nuk kishte rekorde të tjera kriminale dhe e sëmurë, Gjykata e Kardifit e dënoi me 14 muaj burg.
Ndërkohë, avokati mbrojtës i shqiptares tha në gjykatë se veprimet e saj ishin për të shpëtuar jetën.
“Ajo po përballej me vdekjen dhe nëse nuk do të kishte ndërmarrë vendimin për t’u operuar, kush e di ku do të ishte tani”- ka thënë avokati mbrojtës. Gjykata vendosi në fund dënimin saj me akuzën për ‘falsifikim dokumentesh’.
(M.Q/Faxweb)
Discussion about this post