Në vijim të takimeve për sigurinë në komunitet, ministri i Brendshëm, Fatmir Xhafaj është ka qenë pasditen e sotme në Berat.
Në kuadër të reformave ministri Xahfaj tha se policia duhet të jetë 24 orët në krah të qytetarit dhe jo vetëm gjatë orarit të shërbimit.
Xhafaj u shpreh për raportin e banorëve me punonjësit e policisë se të gjithë banorët e një lagjeje duhet të njohin policët e lagjes.
Fokusi i punës së Policisë së Shtetit sipas Xhafajt duhet të jetë kriminaliteti urban. Sa i takon kësaj ai tha se Qarku e Beratit mban rekord sipas shifrave për nivelin e ulët të kriminalizimit.
“Ky është një kontribut i të gjithëve, dhe prandaj qytetet dhe fshatrat tuaja janë shumë të qeta.” – tha ministri i Brendshëm Fatmir Xhafaj.
Më tej në lidhje me procesin e Vettingut në polici, ai u shpreh se do të pastrojë rradhët nga ata që nuk i shërbejnë detyrës.
“Nuk mund të rrish ditën në zyrat e policisë dhe në darkë të shoqërohesh me ata që kanë prirje kriminale. Nuk mund të jesh policë në mëngjes dhe pasdite trafikant. Prandaj është vettingu, për të pasur në policë njerëz që zbatojnë ligjin dhe vetëm ligjin. Vetëm një trup policore e pastruar, mund të zbatoj vetëm ligjin.” – tha Xhafaj.
Discussion about this post