Presidenti Ilir Meta ka qenë gjatë ditës së sotme në Përrenjas. Ndërkohë gjatë vizitës së tij ka qenë një grua që i është ankuar për papunësinë dhe gjendjen e vështirë në të cilën ndodhet.
‘’Jam pa bukë edhe pa shtëpi. Jemi me kredi, do të vij dhe në Tiranë”, i është drejtuar gruaja presidentit Meta.
Ndërkohë Meta ka folur dhe për hapjen e negociatave me Bashkimin Evropian. Meta deklaroi se vendi duhet të përqendrohet në thellimin e reformave për përmbushjen e 5 prioriteteve kyçe.
Duke shprehur bindjen se Shqipëria i ka të gjitha mundësitë për çeljen e negociatave, Kreu i Shtetit theksoi se duhen evituar të gjitha polemikat për t’u përqendruar në objektivin e integrimit evropian.
“Të përqendrohemi në thellimin e reformave për përmbushjen e 5 prioriteteve kyçe. I bindur që i kemi të gjitha mundësitë për çeljen e negociatave. Të evitojmë çdo lloj polemike e të përqendrohemi në objektivin e integrimit evropian”, u shpreh Meta.
(E.K/FAXWEB.AL)
Discussion about this post