Rama “në gjunjë” para Merkelit: Ndihem si një pelegrin që do takojë Papën

Kryeministri Edi Rama ka nisur sot vizitën zyrtare në Gjermani.

Rama pritet të takojë kancelaren Angela Merkel, dobësia për të cilën nuk është fshehur nga shefi i qeverisë shqiptare.

Në një intervistë për radion publike të Berlinit, Kryeministri Edi Rama ka thënë se kur një udhëheqës i Ballkanit shkon në Berlin, “ndihet si një pelegrin që takon Papën”.

“Angela Merkel është një kampione e Europës. I gjithë rajoni i Ballkanit shpreson tek ajo. Është normale që kur një shef qeverie i Ballkanit udhëton drejt Berlinit, të ndjehet si një pelegrin që do të takojë Papën,” tha Rama.

Kryeministri Edi Rama ka shkuar në Gjermani me shpresën se Bundestagu gjerman do hapë negociatat për Shqipërinë në qershor.

Brenda qeverisë gjermane ka ende zëra të fortë kundër hapjes së bisedimeve mes Shqipërisë dhe BE-së.

(F.G/Faxweb.al)