Ditën e djeshme kryemimnistri Rama shoqëruar nga kreu i grupit parlamentar të PS-së, Taulant Balla dhe ministri Ditmir Bushati kanë pasur disa takime në Gjermani. Mes tyre dhe më i rëndësishmi ai me kancelaren Angela Merkel.
Më entuziasti nga të gjithë nga takimi, duket të jetë Taulant Balla, i cili e ka quajtur foton me Merkelin, foton e javës.
Duket se kjo përulësi e Ballës, tejkalon dhe atë të kryeministrit Rama që e krahasonte veten me një pelegrin që do të vizitonte Papën, duke iu referuar Angela Merkelit.
‘’PHOTO OF THE WEEK: Një pritje e shkëlqyer nga Kancelarja Angela Merkel gjatë vizitës që po zhvillojmë me Kryeministrin Rama në Berlin. Gjermania është një mbështetës i rëndësishëm i aspiratës sonë për integrim në familjen europiane”, shkruan Balla.
Po pavarësisht fjalëve të mira nga zërat qeveritarë, Gjermania duket ende shumë skeptike për çeljen e negociatave për Shqipërinë. Madje opozita e ka quajtur vizitën e Ramës më të dështuarën në 20-vitet e fundit, duke iu referur këtu dhe zërave në media se deputetët e CDU-së, kanë braktisur darkën ku i pranishëm ka qenë kryeministri Edi Rama.
(E.K/FAXWEB.AL)
Discussion about this post