Një ngjarje e rëndë ka tronditur mbrëmjen e kaluar Kamzën, ku një tentativë grabitjejen e një minimarketi, në rrugën “OSBE”, ka përfunduar me vrasje. Ngjarja ka ndohur rreth orës 21:00 të mbrëmjes së kaluar, ku u vra shtetasi Agim Buçi, 52 vjeç, baba i katër fëmijëve dhe mbeti e plagosur me thikë bashkëshortja e tij, Merita Buçi, 44 vjeçe.
Pas këqyrjes së kamerave të sigurisë dhe dëshmisë së të afërmve dhe fqinjëve, grupi hetimor ka rindërtuar skenën si ndodhi vrasja e mbrëmshme në Kamëz, gjatë tentativës për grabitjen e një minimarketi. Fillimisht grabitësit janë futur në minimarket dhe i kanë kërkuar lekët Merita Bucit. Ajo ka ngritur duart lart dhe u ka thënë nuk kam lekë.
Më pas njëri prej grabitësve e ka qëlluar me pistoletë në këmbën e djathtë. Agim Buci ka qenë te pjesa e jashtme e marketit duke rregulluar arkat e fruta-perimeve.
Kur është futur në dyqan Agimi është përballur me grabitësit. Në një moment Agimi ka marrë thikën e djathit dhe ia ka drejtuar grabitësve. Këta të fundit e kanë qëlluar në pjesën e barkut 1 herë.
Më pas grabitësit janë trembur dhe kanë ikur me shpejtësi. Djali i vogël ka parë gjithë skenën kur është plagosur mamaja e tij dhe më pas është fshehur poshtë banakut. Djali ka parë edhe babin të mbuluar me gjak.
(M.Q/Faxweb)
