Grupi organizator i protestës për ‘’Rrugën e Kombit” në Kukës, përmes një deklarate për mediat ka bërë të ditur se në ditët e fundit ka pasur mesazhe kërcënuese ndaj tyre.
Ata shprehen se veprime të tilla të turpshme, i bëjnë ata të ndihen edhe më shumë kurajoz.
“Duke marrë shkas nga disa veprime përndjekëse dhe kërcënuese ndaj komisionit për protestën në Rrugën e Kombit, theksojmë se, veprime të tilla të turpshme na bëjnë edhe më kurajoz dhe më të vendosur në qëndrimet tona të drejta, në mbrojtje të interesave të banorëve të Kukësit. I bëjmë thirrje organave përkatëse të kryejnë detyrimet ligjore”, shprehet Komisioni organizativ i protestës.
Kujtojmë se pas protestës së mbajtur në 31 Mars 11 qytetarë kuksianë u arrestuan, ndërsa ende sot mbahen në burg 4 prej tyre.
(E.K/FAXWEB.AL)
https://www.youtube.com/watch?v=dLV2j06t7O4&feature=youtu.be
