Kryeministri Edi Rama në takim publik në kuadër të vazhdimit të bashkëqeverisjes me qytetarët dhe me llogaridhënies, është pyetur edhe nga qytetarët në lidhje me problemet e tyre. Por njëri prej tyre që thotë se është edhe anëtar i PS, pasi i ka treguar problemin që kishte në hipotekë për azhornimin e hartave, i ka bërë Ramës një kërkesë të pazakontë, duke i kërkuar që ai të mos e lëshonte pushtetin.
“Është gjynah, mos e lësho pushtetin, mos e dorëzo, na mbro se do të ikim”, tha qytetari.
I pyetur nga Rama se nga se I vinte kjo frikë dhe se ku e kishte konstatuar, qytetari tha se e ka nga e kaluara.
Qytetari: E kemi konstatuar, na mbroni ose na mbroni ju ose askush…
Rama: E paske nga e kaluara!
Qytetari: Po nga e kaluara, por mos e lësho PS-në
Rama: Mos u shqetëso nga ai krah, por shqetësimi im, dhe jam dalkord me ty dhe ja them çdo kujt është që ne po të jetë puna për maçokun me çizme, lejlek, dhelpër dhe për gjithë kopshtin zoopolitik jetomë 1000 vjet, problem është që mos të gënjejmë veten qe e kemi të fituar, sepse një opozitë seroze edhe pse e mund të bën të nxjerrësh më të mirën nga vetja, rreziku është vetvetja dhe rreziku na vjen brenda rradhëve, pasi njërez qe e marrin besimin nga ne dhe harrojnë pse janë aty duhet ti mbajmë nën presionin e së vërtetës por për ata mos u mërzit. (B.H/Faxweb)
Discussion about this post