Kapiteni i Realit të Madridit Sergio Ramos ka thënë pas ndeshjes me Barcelonën që përfundoi 2-2, ku qartësisht u pa se madrilenëve iu mohua një penallti, se Lionel Messi i kishte bërë presion gjyqtarit gjatë ndeshjes.
“Ishte një ndeshje e mirë nga ne për të treguar se donim t’i mposhtnim kampionët. Në përgjithësi, luajtëm mirë, që nga minuta e parë deri në të fundit. Nxorëm një barazim, kemi dashur t’ua ndërpritnim rrjedhën pa humbje, por jemi duke u përgatitur për finalen (e Ligës së Kampionëve)”, ka thënë kapiteni i Realit.
Ramos në lidhje me momentet e diskutueshme të ndeshjes është shprehur: “Për këtë gjë janë gjyqtarët e specializuar për atë punë. Messi bënte presion ndaj gjyqtarit në tunel”.
“Nuk e di nëse kamerat e kanë kapur dhe nuk e di në se ka pasur ndikim në vendimet e gjyqtarit në pjesën e dytë”.(B.H/Faxweb)
Discussion about this post