Presidenti rus Vladimir Putin është betuar për herë të katërt si president i Rusisë. Shefi i Kremlinit menjëherë sapo ka marrë detyrën, siç shkruajnë mediat ndërkombëtare ka nominuar Dmitry Medvedevin edhe për një mandat si kryeministër.
Ky vendim i Putinit është dërguar në Dhomën e Ulët të Parlamentit, është njoftuar përmes një deklarate të Kremlinit, pak kohë pasi Putin u inaugurua edhe për një mandat gjashtëvjeçar në postin e presidentit.
Duma shtetërore pritet që ta shqyrtojë nominimin më 8 maj.
Duket se vendimi i Putinit do të miratohet nga Duma shtetërore, e cila dominohet nga partia në pushtet, Rusia e Bashkuar.
Sipas Kushtetutës, Qeveria është e obliguar që të japë dorëheqje kur fillon mandati i ri i presidentit.
Discussion about this post