Këshilltari ligjor i Partisë Demokratike Gazmend Bardhi, i ftuar në Fax News ka folur për çështjen e vëllait të ministrit të Brendshëm Fatmir Xhafaj, Agron Xhafaj, i cili akuzohet për trafik ndërkombëar të lëndëve narkotike dhe i dënuar në mungesë me rreth 7 vite burg.
Gjatë paradites, në një deklaratë për mediat Bardhi dhe deputeti Alibeaj kanë dhënë detaje të dosjes së gjykatës së lartë italiane, lidhur me rolin e vëllait të ministrit Xhafaj në trafikun e drogës.
“Kemi siguruar dosjen e plotë të Agron Xhafajt. Xhafaj I dënuar në Itali me 7 vite e 2 muaj burg. Këtë dokument për vëllain e ministrit të Brendshëm kemi publikuar sot.
Agron Xhafaj i dënuar për trafik lëndësh narkotike. Ai trafikonte drogë mes Evropës dhe Shteteve të Bashkuara.
Ai duhet të ishte në burg sot sepse mbi të cilin rëndojnë katër akuza, për të cilat ka marrë vendim të formë së prerë në mungesë.
Këto pyetje nuk mund të marrin përgjigje nga minsitri i Brendshëm, sepse ky shtetas, Agron Xhafaj nuk po vëzhghet nga Policia.
Ka familje mafioze që kryejnë aktivitet kriminal të shtrirë në kohë. Faktet na flasin që vëllai Fatmir Xhafajt ka kryer trafik ndërkobëtar të lëndëve narkotikëve, për një kohë shumë të gjatë.
Verifikimi dhe vënia në dijeni dhe bashkëpunuimi me autoritetet italiane është detyrim i Minsitrisë së Brendshme. Policia lokalizon vendndodhjen e personit dhe nis procedurat e ekstradimit.
Procedura është e tillë. Pasi shpallet në kërkim, shtetet që kanë informacion për vendndodhjen nisin procedurat. Kërkesa për ekztradim i drejtohet shtetit ku ky person ndodhet nga Ministria e Brendshme/
Autoritetet italiane në momentin që konstatojnë se kanë një person të dënuar në mungesë, e shpallin kërkimit. Çdo person i dënuar në mungesë dhe që nuk ka vuajtur dënimin është pjesë e listës së Inerpolit.” – është shprehur Bardhi në studio.
(E.L./Faxweb)
Discussion about this post