Legjnda katalanase Andrs Iniesta i cili i dha fund karrierës me Barcelonën pasi në fund të sezonit do të largohet nga katalanasit ka befasuar jo pak me përgjigjen e tij kur i është kërkuar në një intervistë për “El Mundo Deportivo” të japë një mendim për të gjithë trajnerët që e kanë stërvitur.
“Trajneri im më i rëndësishëm” ishin fjalë që ai përdori për të përshkruar ish-trajnerin e Manchester United Louis van Gaal.
Përgjigja mund të vijë si një surprizë, duke parë nivelin e lartë të trajnerëve që kanë pasur nderin ta stërvitin, teksa ai suksesin më të madh të karrierës e ka arritur nën drejtimin e Pep Guardiola-s.
Gjithsesi, ishte Van Gaal ai që i dha debutimin si profesionist në 2002 dhe ai është një moment që Iniesta e kujton me nostalgji.
Kur pyetet për mendimin e tij mbi Guardiola-n, ai shprehet: “Një mjeshtër për mua.”
Luis Enrique-n e ka përshkruar si një “shok”, ndërsa Valverde-n si të “mençur”.
Luis Aragones ishte një “shembull”, ndërsa Del Bosque “ekzemplar”. Andres Iniesta është një nga ikonat e klubit të Barcelonës I cili arriti të fitojë gjithçka me këtë ekip. (B.H/Faxweb)
