Gjyqtarja e Tiranës Manjola Xhaxho ka kaluar pozitivisht procesin e Vetingut.
Ky ka qenë vendimi i dhënë sot nga ana e komisionit të pavarur të kualifikimit. Kështu ajo rikonfirmohet në detyrë në Gjykatën e Tiranës.
Xhaxho përveç se gjyqtare në Gjykatën e Tiranës dhe gjithashtu kandidate për Këshillin e Lartë Gjyqësor dhe u bë pjesë e listës prioritare për të kaluar në sitën e vettingut.
Manjola Xhaxho e ka filluar karrierën në gjyqësor në vitin 2002 si gjyqtare në Gjykatën e Tiranës, pozicion të cilin e mban edhe sot. Ajo ka ushtruar për tre vjet edhe detyrën e këshilltares ligjore në Gjykatë të Lartë.
Xhaxho ka mbaruar shkollën e Magjistraturës si dhe ka kryer studimet Master për të drejtat ndërkombëtare të njeriut në universitetin e Lundit në Suedi. Ajo ka kryer gjithashtu një sërë kualifikimesh profesionale si dhe është përfshirë në rolin e ekspertes në disa projekte mbi Kodin Penal dhe drejtësinë për të miturit.
(E.K/FAXWEB.AL)
Discussion about this post