Partia Demokratike për disa javë ishte në bojkot ndaj punimeve të Komisioneve Parlamentare, por duket se strategjia ka ndryshuar.
Ata kanë vendosur që në Komisionin e Medias dhe të Komunikimit, të mos marrin pjesë vetëm deputetët që janë pjesë e komisionit, por edhe deputetë të tjerë duke nisur nga kreu i grupit parlamentar të PD-së, Edmond Spaho.
Kjo dalje jashtë rendit të ditës ka shkaktuar tensione në Komision, teksa deputetët e PS-së janë shprehur që kjo që po ndodh është e turpshme.
Edmond Spaho: Milva të lutem se nuk je e atij takëmi që të mbrosh kriminelët. Nuk shkohet në Europë me kriminelët, ministri i brendshëm duhet që të japë dorëheqjen.
Nuk do të ketë punë normale të Kuvendit, komisione deri sa ministri të japë dorëheqjen dhe të largohet, pavarësisht zhurmës që bëni ju, ne jemi të vendosur se jemi në anën e vendit.
Pas tensioneve deputetët e PS-së vendosën që të lënë punimet e komisionit, duke lënë në gjysmë fjalën e Flamur Nokës.
(E.K/FAXWEB.AL)
