Përgjimet e PD-së për Xhafajn, ish-drejtuesi i Policisë: Janë të paligjshme, rast i stisur

Ish-drejtuesi i Policisë së Shtetit, Mit’hat Havari i ftuar në ‘’Fax News’’ ka komentuar sot hetimet e fundit në lidhje me vëllezërit Xhafaj.

Ai tha se përgjimet nga ana e PD-së i konsideron të paligjshme, dhe se PD-ja luftën duhet ta kishte bërë ende pa u zgjedhur Xhafaj.

Havari u shpreh më tej se brenda vetë PD-së ka persona të lidhur ngushtësisht me komunizmin.

“Unë jam kundër rrymës së keqe, nuk e kam takuar dhe nuk po mbroj Fatmir Xhafën. Përgjimi i djeshëm për mua është një fjasko, ajo është një gjë e stiasur që nuk është bërë nga institucionet ligjore.

Ka një nen që nuk e merr dot si përgjegjësi penale një bisedë që bëhet në tavolinë. Luftën e klasave, të këmishave të kuqe, një grup njerëzish të PD-së janë ngritur dhe po i thonë. Ka një grup njerëzish të rinj në PD që duket sikur janë pasardhësit e atyre që Enver Hoxha ka persekutuar.

Duhet të nisin hetimet nga Prokuroria në këtë rast, dhe më pas duhet që të flasim ne qytetarët e thjeshtë. Fatmir Xhafaj, ish hetues në kohën e Enver Hoxhës nuk duhet që të fillonte si ministër i brendshëm.

Ai ka qenë pjesë e hetimeve në kohën e diktaturës, për dy njerëz që kishin pirë raki. Vetë PD-ja nuk ja bëri të plotë luftën në lidhje me këtë çështje, pasi dhe vetë PD ka emëruar në poste më të larta njerëz që kanë qenë pjesë e regjimit komunist”, u shpreh Havari.

(E.K/FAXWEB.AL)