Një vit pas marrëveshjes së 17 Majit, ç’po ndodh sot me PD-në, PS-në dhe LSI-në. A gaboi Lulzim Basha kur u fut për të bërë marrëveshje me Edi Ramën? Kjo ka qenë tema e diskutimit të sotëm në studion e lajmeve në ‘’Fax News”.
E megjithë pyetjet që ngrihen për vitin e shkuar, çështja që shtrohet sot është nëse marrëveshja Rama Basha vijon. Për Bledian Kokën po. Gazetari shprehet se rasti Xhafaj me shumë gjasa është një bashkëpunim dhe një shërbim që opozita po i bën Ramës për të hequr nga rruga e tij Fatmir Xhafajn.
Koka: Ka zëra që këta të dy janë ende bashkë edhe sot pas marrëveshjes së 17 Majit. Unë shoh sot se njerëzit largohen nga vendi për shkak se nuk shohin këtu asnjë mundësi te opozita, nuk shohin asnjë alternativë. Unë nuk dua të besoj që Rama dhe Basha të jenë bërë bashkë edhe për rrëzimin e Fatmir Xhafajt.
Mërtiri: Unë nuk e besoj dot këtë, pasi sado probleme që të ketë brenda partisë, rënia e dy ministrave të brendshëm ka pasoja të rënda për vetë qeverinë.
Koka: Opozita po del si bashkëpunëtore në krim për spastrimin e rrugës së Edi Ramës nga Fatmir Xhafaj.
Gazetari Koka këmbënguli që PD nuk duhet të bëhet pjesë e luftës klanore në rradhët e PS-së, pasi kjo do ta dobësonte imazhin e saj te elektorati. Ai tha se shumë nga kauzat e opozitës duket se gjenden rrugës dhe lihen po në mes, duke bërë që të humbet besimi.
(E.K/FAXWEB.AL)
Discussion about this post