Rënia e Vllaznisë nga superiorja për në kategorinë e parë është përjetuar keq nga ish-mbrojtësi I shkodranëve Dritan Smajli.
Ai nëpërmjet një postimi në ‘Facebook’ nuk është kursyer kundër drejtuesve të Vllaznisë, por edhe lojtarëve të ekipit kuqeblu, të cilët i këshillon të kërkojnë falje për rënien e skuadrës në Kategorinë e Parë.
Ai shkruan se futbollistët e Vllaznisë duhet të heqin fanellat pas kësaj që kanë bërë, që sipas tij është mëkat.
Ish-mbrojtësi shkruan se gjithçka e kishte besuar por jo rënien e Vllaznisë nga kategoria. Nga ana tjetër ai ka kujtuar edhe ditën kur kishte firmosur me Vllazninë dhe kishte shpërthyer në lot.
“Nuk e harroj ditën e parë kur erdha në Shkodër. Takova të nderuarin Valter Fushaj, asokohe president. Më tha: ‘Smajli, sa lekë do të luash për Vllazninë, ndërsa unë ia ktheva gati në lot; më jep sa të duash, por dua të luaj për këtë ekip që e kam ëndërr’.
(B.H/Faxweb)
