Kryetarja e LSI-së Monika Kryemadhi ka folur sot para gazetarëve, në dalje të seancës në kuvend.
Kryemadhi u ka bërë thirrje të gjithëve që të jenë pjesë e protestës së të shtunës, teksa tha se kjo mazhorancë ka rrëmbyer institucionet e këtij vendi.
Kryemadhi u shpreh:
Besoj se të gjithë e shikojmë se çdo ditë e më shumë nuk ka asnjë lloj shprese apo besimin se kjo maxhorancë e kapur do ndryshojë. Kjo maxhorancë ka frikë jo vetëm nga fjala e lirë, por për çdo gjë që dëshirojnë qytetarët.
Sot e tregoi se nuk ka më asnjë shpresë me këtë grup kriminal që kanë uzurpuar institucionet e shtetit shqiptar. Nuk ka më asnjë shpresë me këtë monstër që vetëm jo i kanë varfëruar më shumë shqiptarët por i kanë denigruar”, deklaroi kryetarja e LSI-së.
Kryemadhi tha se sot ngjarja në Kuvend tregon se përfundimisht nuk ka më asnjë zgjidhje. “E vetmja zgjidhje është dalja në rrugë dhe përmbysja e çdo elementi kriminal dhe për të dalë për t’i thënë Edi Ramës se ti ke ngelur vetëm. Është i vetëm jo vetëm në kauzën e tij politike narkomane por edhe në përballjen me drejtësinë që do ta bëjnë shqiptarët. Atë drejtësi që ne si opozitarë dhe klasë politike e kemi votuar në 2016.
(E.K/FAXWEB.AL)
Discussion about this post