Jetesa në Shqipëri çdo ditë e më shumë bëhet e vështirë dhe e gjithë kjo vjen për arsye të ndryshme. Në këtë pikë plotësimi i dëshirave vetjake bëhët gati i pamudur.
Pagat e ulta, çmimet e larta, i bën shpeshherë qytetarët të mos kenë mundësi për plotësimin e dëshirave.
Një nevojë e domosdoshme, por e konsideruar ‘luks’, është edhe blerja e një makine.
Por sa vite i duhen një shqiptari për të blerë një makinë?
Një shqiptar ka një page mestare prej 347 euro në muaj, ndërkohë që sipas Bankës Botërore kursen mesatarisht 27% të të ardhurave. Kjo do të thotë se, një shqiptar mesatar kursen në një vit 1128 euro.
Sipas përllogaritjeve të “SCAN”, duhen rreth është 24.8 vite. Afërsisht çerek shekulli për të blerë një makinë.
Në Bashkimin Europian çmimi mesatar për një makinë të re, sipas të dhënave më të fundit në dispozicion, fiksohet në 27987 euro. Pra, një shqiptari mesatar do t`i duheshin kursimet e një çerek shekulli për të blerë një makinë të re, me një vlerë mesatare, pra jo një makinë luksoze.
Sigurisht që vitet llogariten edhe në bazë të tipit të makinës që do blesh.
Për të blerë një makinë tip Fiat do të duheshin 9 vite më pak, pra 15.7 vite kursime.
Për një makinë tip Dacia, do të zbriste në 11.5 vite, për një Renault 18.8 vite, ndërkohë që nga krahu tjetër do të duheshin kursimet e 41 viteve për të blerë një makinë mesatare tip BMW dhe 36 vite për një makinë tip Mercedes Benz.
Pra, thënë ndryshe, një shqiptar që fillon të kursejë në moshën 18-vjeçare, në rastin më të mirë, do të ishte në gjendje të blinte një makinë të re, kur të mbushë 43 vjeç, në rast se do të rrinte duke pritur kursimet. (E.V/Fxweb.al)
Discussion about this post