Policia ka dhënë detaje në lidhje me aksidentin e ndodhur në aksin rrugor Shkodër- Lezhë në vendin e quajtur krye-Bushat ku tre mjete u përplasën me njëra tjetrën.
Për pasojë ka ndërruar jetë drejtuesi i mjetit tip Benz, Ludovik Malota 62 vjeç, raporton ‘Fax News’.
Ndërkohë që të dëmtuar kanë mbetur dy pasagjeret e mjetit Benz shtetaset D. M. 57 vjeçe dhe K. M. 25 vjeçe të cilat ndodhen në spital nën kujdesin e mjekëve.
Njoftimi i policisë:
Shkodër
Informacion Paraprak
Me datë 24.05.2018 rreth orës 17:45 jemi njoftuar se në aksin rrugor Shkodër- Lezhë në vendin e quajtur krye-Bushat ka ndodhur një aksident.
Menjëhere kanë shkuar shërbimet e policisë ku kanë konstatuar se mjetet tip Benz Me targë AA 802 JA, mjeti tip Peugeot me targë AA 019 FF dhe mjeti tip Opel me targë AA 332 EK janë perplasur, ku për pasojë ka ndërruar jetë drejtuesi i mjetit tip Benz shtetasi L. M. 62 vjeç, pasi ka mbërritur në Spitalin Rajonal Shkodër
Si pasojë e aksidentit ka janë dëmtuar dy pasagjeret e mjetit Benz shtetaset D. M. 57 vjeçe dhe K. M. 25 vjeçe të cilat ndodhen në Spitalin Rajonal Shkodër nën kujdesin e mjekëve
Ndërsa dy drejtuesit e dy mjeteve të tjera shtetasit A. K. dhe E. S. do shoqërohen në ambientet e Komisariatit të Policisë Shkodër për veprime të mëtejshme
Në vendngjarje ndodhet grupi hetimor dhe po punon për sqarimin e rrethanave të aksidentit. (B.H/Faxweb)
Discussion about this post