Policia italiane ka goditur një bandë trafikantësh të heroinës dhe kokainës në Itali. Nga burimet hetimore bëhet me dije se mes tyre është identifikuar edhe një shqiptar i quajtur Armando Ndoja, banues në Paderno Dugnano, në provincën e Milanos.
Nga grupi hetimor mësohet se vinin kamionë të mëdhenj me heroinë dhe kokainë nga Lombardia drejt Cagliarit dhe pastaj përfundonte në Ogliastra dhe Sarrabus.
Sipas hetimeve të nisura që prej vitit 2015, grupi e blinte drogën në Shqipëri dhë më pas e transportonte në zona të ndryshme të Italisë.
Të përfshirë në hetime, përveç Ndojës, janë edhe qytetarë të tjerë shqiptarë, te cilët aktualisht janë shpallur në kërkim.
Burimet e policisë thonë se hetimet e kësaj çështje kanë qenë të ndërlikuara pasi trafikantët i përdornin katër ditë celularët dhe më pas i ndërronin, në mënyrë që të zhduknin gjurmët.
(E.V/Faxweb.al)
Discussion about this post