Deputeti i Partisë Demokratike Endri Hasa ishtë i ftuar në Fax News për të diskutuar për qëndrimin e opozitës pas protestës.
Hasa u shpreh se veprimi i kryetarit Luzlim Basha për të tërhequr protestuesit ishte vendimi i pëgjegjshëm.
“Në rradhë të parë veprimi i kryetarit të PD-së për t’i tërhequr protestuesit nga dhuna ka qenë një vendim i përgjegjshëm. Ne nuk ishim aty për ti bërë qytetarët ‘mish për top’ siç ka bërë Edi Rama në të kaluarën. Ne ishim aty për të protestuar në mënyrë qytetare, në mënyrë paqësore. Ne ishim aty të ndërgjegjsonim qytetarët dhe për ato që nuk protestonin, për ti ndërgjegjësuar për këtë kauzë madhore për të ndarjen e qeverisjes nga krimi. Dhe gjithashtu ishim që kjo çështje të merrte vëmendjen e duhur dhe nga faktori ndërkombëtarë. Po ne nuk mund të ishim aty për ti dhënë shkas qytetarëve që të lëndoheshin dhe të dhunoheshin megjithëse pati disa qytetarë që u dhunuan. Ne kemi vënë në dukje në çdo moment largimin e kësaj qeverie e cila është e lidhur me krimin. Ne do të vazhdojmë aksionin opozitar ta radikalizojmë brenda parlamentit.”
Për sa i përket djegies së mandateve Hasa u shpreh se nëse djegia e mandateve plotëson një rezultat konkret për të arritur obljektivat tona, patjetër që dhe ky është një hap.
“Ka një konvergjencë të mendimit të grupit parlamentar të Partisë Demokratike, për sa i përket hapave për të arritur objektivat që kemi vendosur. Hapat e opozitës janë të analizuar mirë, të përgjegjshëm dhe në diskutim me aleatët dhe në linjë me partnerët ndërkombëtarë. Jemi të gatshëm të marrim përgjegjsitë tona si përfaqësuas në Kunvendin e Shqipërsë të qarqeve që përfaqësojmë. Nëse djegia e mandateve plotëson një rezultat konkret për të arritur objektivat tona, patjetër që dhe ky është një hap.”u shpreh Hasa.
(M.Q/Faxweb.al)
Discussion about this post