Trajneri i Shqipërisë, Cristian Panucci, deklaroi dje pas humbjes me Kosovën se lojtarët e përfaqësueses nuk luajtën, nuk luftuan dhe nuk patën zemër.
Ai ka marrë mbi vete të gjitha përgjegjësitë teksa ka shtuar se me Kosovën skuadra vuajti më shumë se me Italinë dhe Spanjën.
“Ishim zero. Përgjegjësi jam unë. Sot, të gjitha kritikat janë të drejta. Mund të humbasësh, por jo kështu. Vuajtëm më shumë sot sesa kundër Italisë dhe Spanjës”, theksoi trajneri italian.
Panucci u shpreh se është treguar i butë me lojtarët gjatë javës dhe këtë gjë nuk do ta përsërisë më.
“Mendova se me Kosovën nuk ishte nevoja ta karikoja shumë ndeshjen. Marr përgjegjësinë. Ishim shumë të shëmtuar për të menduar se kjo është Shqipëria ime e vërtetë. Jam treguar i butë, por nga sot do të vendos dorë të hekurt”, deklaroi Panucci.
(E.K/FAXWEB.AL)
Discussion about this post