Futbollisti i Kosovës Herolind Shala ka reaguar pas lajmit që bëri bujë, ku ai nëpërmjet një postimi në ‘Facebook’ pas fitores ndaj Shqipërisë u shpreh se ata që e kishin nënçmuar Kosovën e morën përgjgjen e duhur në fushë.
Shala sqaron se këto fjalë janë për disa analistë dhe nuk ka të bëjë me tifozët apo ndokënd nga FSHF. Gjithashtu Shala e quan veten shqiptar të Kosovës dhe thotë se ata do mundohen ti prezantojnë sa më mirë të gjithë bashkëatdhetarët kudo që janë.
Herolind Shala shprehet gjithashtu se nuk kishte si qëllim për të ofenduar askënd dhe kërkon falje ndëse dikush është lënduar.
Ja reagimi i plotë:
Përshëndetje të dashur miq. Dua të sqarohem për një shkrim timin pas ndeshjes së djeshme vëllazërore mes Kosovës dhe Shqipërisë. Fjala na nënçmuat ka qenë vetëm për disa gazetarë e analistë por edhe për trajnerin italian që na kanë nënçmuar para ndeshjes dhe jo për tifozët ose ndokënd në FSHF.
Si Përfaqësuese e re nuk meritojmë nënçmim, së paku meritojmë përkrahje për tu rritur pasi edhe ne si futbollistë që luajmë për Kosovën mundohemi t’i prezantojmë sa më mirë shqiptarët kudo që janë.
Mbi të gjitha ne jemi të gjithë shqiptarë, ne jemi të një kombi por kemi dy ekipe futbolli. Faleminderit që me keni dërguar qindra mesazhe duke më ofenduar, nuk ua kthej në të njëjtën mënyrë asnjëherë.
Mbi të gjitha un jam shqiptar i Kosovës dhe statusi im nuk ka qenë për të përqarë dy tifozëritë por tregova arsyejen për se.
Të gjithë që jeni ndier të ofenduar ose jeni prekur nga ai shkrim i imi ju kërkoj falje edhe pse qëllimi nuk ka qenë për ta lënduar askënd.
Faleminderit për mirëkuptim shqiptarë kudo që jeni. Forca Shqipëria & Forca Kosova.
(B.H/Faxweb)
Discussion about this post