Cenk Tosun, ylli i futbollit turk, është përplasur me disa tifozë në miqësoren e zhvilluar në Zvicër në mes të Turqisë e Tunizisë. Pasi Tosun shënoi gol nga penalltia, disa tifozë e provokuar atë me brohoritje.
Futbollisti i Evertonit nuk arriti të mbajë veten duke filluar të konfrontohet nga fusha me tad he duke bërë një gjest kërcënues për tifozin ku i bëri shenjë se do t’i priste fytin.
Pas nxehjes së gjakrave, gjyqtari e përjashtoi atë nga ndeshja duke i dhënë karton të kuq. Mediat turke raportojnë se Tosun shpërtheu pasi që në stadium ndodheshin babai dhe xhaxhai i tij të cilët dyshohet se janë provokuar nga një pjesë e tifozëve.
“Ktheva kokën nga tribuna dhe pashë babain tim të përfshirë në një sherr. Nuk e di gjithë historinë por pashë që po e kërcënonin dhe karakteri është më i rëndësishëm se sa futbolli për mua”, ka thënë ai pas ndeshjes.
Ndeshja mes Tunizisë dhe Turqisë përfundoi në barazim 2-2.
(B.H/Faxweb)
Discussion about this post